Góður svefn er lykilatriði þegar kemur að því að nýta vökustundirnar til fulls. Þegar höfuð og háls hvíla þægilega á koddanum verður lúrinn enn betri. En fólk hefur ólíkar þarfir. Sumt fólk sefur á bakinu, annað á hliðinni og svo er líka hægt að skipta oft um stellingu yfir nóttina. Þess vegna eru heilsukoddarnir í ólíkum stærðum og gerðum, svo við getum öll sofið eins og ungabörn og vaknað endurnærð.

Hjá IKEA eru gæði vörunnar alltaf í fyrirrúmi og koddaverin eru þar engin undantekning. Sérhæft teymi okkar í vöruþróun vinnur hörðum höndum að því að tryggja að þau uppfylli ströngustu kröfur okkar. Þetta felur í sér ítarlegar prófanir á þægindum og endingu. Við pössuðum einnig upp á að nota efni sem endast vel og má þvo svo að koddaverin haldi uppáhaldskoddanum þínum ferskum og þægilegum í langan tíma.

Pólýester er endingargott, einangrandi efni sem þornar hratt og er tilvalið í vefnað eins og fyllingu í kodda, sængur og húsgögn. Efnið er unnið úr hráolíu sem er takmörkuð auðlind. Þar sem IKEA vill leggja sitt að mörkum í að draga úr notkun hráolíu erum við smám saman að skipta yfir í endurunnið og rekjanlegt pólýester sem meðal annars er unnið úr PET-flöskum. Það sem er gott við pólýester er að það er hægt að endurvinna það aftur og aftur án þess að það tapi eiginleikum sínum.