Bjóddu náttúrunni heim með reyr

Reyr er náttúrlegt efni með eigin vilja. Þess vegna vinnum við með reyndu handverksfólki til að laga reyrinn að hagnýtum vörum. Samstarfið gerir þér kleift að eiga einstök og handgerð húsgögn á heimilinu – gerð af fólki og náttúrunni.

Reyr er af pálmatré sem vex hratt. Það þarf fyrst að sjóða hann og sólþurrka áður en hægt er að móta hann í mismunandi form, sem hægt er að sitja og hvíla sig á eða skreyta heimilið með. Þar kemur handverksfólkið okkar inn. „Við getum ekki gert alvöru reyrvörur án þeirra. Það býr yfir sérkunnáttu sem vélar geta ekki hermt eftir,“ segir Andreas Fredriksson, sem hefur hannað nokkur reyrhúsgögn í samvinnu við handverksfólkið.

Einstök húsgögn

Með reyr er hægt að búa til hringlótt og óregluleg form sem getur reynst erfitt að fá með öðrum efnivið. Reyrinn er breytilegur að lit og lögun. Það gerir það ómögulegt að búa til tvö húsgögn sem eru nákvæmlega eins. Þess í stað færðu einstaka muni sem gera heimilið hlýlegt og notalegt. „Það er til efniviður sem eru auðveldari í meðhöndlun en útlitið er það sem gefur reyrnum karakter. Hann getur skapað skemmtilega andstæðu við aðra hluti á heimilinu,“ segir Andreas.

Í samvinnu við náttúruna

Ef rétt er farið með reyrinn er hægt að breyta honum í nánast hvað sem er, jafnvel fagurmótuð húsgögn sem passa í flatar pakkningar. En hönnunin ræðst ekki aðeins af hönnuðinum og handverksfólkinu. „Þú þarft að vera í góðu samstarfi við móðir náttúru og finna nýjar lausnir – en það er þess virði þegar allt gengur upp,“ segir Andreas.