Við skiptum fótunum í tvennt til að minnka kostnað

Að hanna vöru án þess að hugsa út í hvað hún kostar er ekkert mál, en að byrja með verðmiða og halda svo áfram með efniviðinn og hönnunina er mun erfiðara. Það krefst þess að hugsa út fyrir ramman, og það er það sem þróunarteymið á bak við FEJAN gerði þegar þau hönnuðu lítið borð fyrir útisvæði og verðskynuga viðskiptavini.

„Við viljum alltaf gera hagkvæmar lausnir, en að byrja á verðmiðanum þegar þú hannar vörur er mikil áskorun. Það krefst mikils af öllu teyminu, og þegar við vorum að vinna að FEJAN gáfumst við næstum því upp“, segir Anders Adler vöruhönnuður.

Lágt verð, ekki léleg gæði

Að hanna lítið hagnýtt borð fyrir útisvæði hljómar kannski ekki flókið. Allt sem þarf er borðplata og fjórir fætur, er það ekki? „Jú, en það skiptir ekki hversu lágt verðið á að vera, við megum aldrei slaka á gæðunum. VIð þurftum samt að hanna stöðugt og endingargott borð.“ Anders og teymið hans ákváðu að nota málmþynnu og reiknuðu út hversu mikið þau gætu notað af efninu án þess að hækka verðið. Svo kom að því að ljúka við hönnunina og þá vönduðust málin. „Við héldum að við værum með fullkomna lausn með x-laga fótunum“, segir hann. Borðið var stöðugt og hagkvæmt en pakkningarnar voru of stórar, sem þýðir hærri flutningskostnað. „Það olli okkur vonbrigðum svo við settum verkefnið í frost til að safna upp nýrri orku, en þá kom verkfræðingurinn í teyminu með þessa sniðugu hugmynd.“

Hálfir fætur draga úr kostnaði

Stundum er smá pása allt sem þarf. Það gerði Anders og teyminu kleift að skipta vandamálinu niður í minni hluta. Og þeim tókst að leysa vandamálið. „Við sáum að við gátum skipt fótunum til helminga og látið viðskiptavininn um að skrúfa þá saman þegar þeir setja borðið saman. Þannig var hægt að minnka pakkningarnar og lækka heildarkostnaðinn þar sem hægt var að seta fleiri stykki á hvert bretti. „Ég er stoltur að því að verðið á FEJAN passar við smáar pakkningarnar – þetta er borð fyrir alla sem vilja gera svalirnar eða pallinn að notalegum og þægilegum stað án þess að þurfa að eyða formúgu í útihúsgögn.“