Notalegur staður sem snýst

Þú þekkir það örugglega hvernig æskuminningarnar geta birst manni eins og ljósmynd í huganum. Þegar þú vinnur hjá IKEA geta þessar minningar verið innblástur að nýjum vörum. Eins og LÖMSK snúningsstóllinn. „Sem barn var ég alltaf standandi á höndum og ég elskaði að rugga og snúa mér. Hægindastóll föður míns hafði mikið aðdráttarafl og því fannst mér sem fullorðnum einstaklingi að það þyrfti að vera til hægindastóll fyrir börn,“ segir hönnuðurinn Monika Mulder. Hún vildi að stóllinn hefði líka örvandi áhrif á ímyndunaraflið. Því hafðu hún á honum skyggni sem hægt er að draga niður og búa til leynilegan felustað.

Frá árinu 2003 hafa börn um allan heim snúið sér, falið og skapað sér notalegan samastað í LÖMSK snúningsstólnum. Barnasálfræðingurinn Barbie Clark hefur rannsakað börn og hvernig þau þroskast. Hún hefur séð hvernig stóllinn virkar eins og segull á börn. „Börn elska hluti sem geta breyst í eitthvað annað. Það örvar ímyndunaraflið og þeim finnst eins og þau hafi töframátt. Og að snúa sér í stólnum er ekki bara skemmtilegt, það þjónar einnig tilgangi fyrir mikilvægan líkamsþroska,“ útskýrir Barbie. „Þegar börn klifra, hanga á hvolfi, hlaupa, halda jafnvægi og snúa sér eru þau að efla hreyfigetuna og þá sérstaklega jafnvægisskynið.“

Hægindastóll fyrir ímyndunaraflið og meiri leik

Í dag á hönnuðurinn Monika Mulder sjálf fjögur börn. „Á okkar heimili hefur hann verið notaður sem leikfangahirsla, þannig að þegar það þarf að taka til í herberginu í skyndi er allt af gólfinu sett í stólinn og skyggninu lokað. Á kvöldin á LÖMSK það til að glóa eins og diskókúla þegar eitt barnanna situr í honum með spjaldtölvu.“ Moniku finnst það jákvætt að stóllinn sé notaður á óvæntan hátt. „Í þykjustuheiminum geta börn undirbúið sig undir fullorðinsárin á þægilegan máta – þar sem ekkert er fyrirframákveðið. Það er ímyndunarafl barnanna sem ákveður hvað LÖMSK á að vera.“