Gæði leirsins sannprófuð

Hvernig er hinn fullkomni leir? Við hönnun MÅLA leirsins ráðfærðum við okkur við sérfræðingana. Börn á aldrinum þriggja til sjö ára fengu að prófa mismunandi týpur af leir og gáfu okkur álit sitt á þeim.

Þegar við hönnum vörur hugsum við alltaf fyrst um raunverulegar þarfir fólks. Þess vegna fáum við yfirleitt álit barna á vörum sem við hönnum fyrir börn. „Við köllum það Barnarannsóknarstofuna. Það var ómetanlegt að fá tillögur frá börnunum, segir Magnus Thuvesson hjá rannsóknarstofunni.

Leir fyrir forvitna fingur

Það voru ekki bara börnin sem prófuðu leirinn – foreldrar og ömmur og afar komu líka og mótuðu ýmis listaverk. „Það er eitthvað við að leira sem kveikir á sköpunargáfunni, hjá fólki á öllum aldri. Börnunum tókst mjög vel að lýsa muninum á sýnishornunum. Ein týpan var of klístruð, önnur of hörð o.s.frv. Börnin skynjuðu leirinn greinilega betur en fullorðna fólkið.“

Leikur sem endist

Ásamt teyminu safnaði Magnus saman umsögnum barnanna til þess að fullkomna leirinn. En hann tók líka eftir andrúmsloftinu við borðið. „Þetta föndur virðist hafa róandi áhrif líkt og hugleiðslu.“ Þegar þú vilt hafa rólega stund er kjörið að taka fram leirinn – og svo er fljótlegt að ganga frá honum aftur. Til að leirinn endist án þess að þorna er best að geyma hann í meðfylgjandi plastílátum með lokinu þétt á. „Ef leirinn þornar aðeins upp má hnoða hann með dropa af vatni til að mýkja hann.“