Sígild vara snýr aftur

Ef Gillis Lundgren hefði átt vöruflutningabíl væri IKEA kannski allt öðruvísi í dag. Það var litli bíllinn hans Gillis og aðeins of stórt borð sem í sameiningu varð innblásturinn að flötu pakkningunum eins og við þekkjum þá, og sendi IKEA í vegferð sem er ólík öllum öðrum húsgagnasmiðjum.

Mikið af því sem þú tengir við IKEA varð til á þessu augnabliki – flatar pakkningar, hugmyndin um að setja saman eigin húsgögn og síðast en ekki síst mun viðráðanlegri verð sem fylgja því að setja vörurnar saman heima. Hvernig endaði þetta svo með aðeins of stóra borðið? Þessa dagana kallast það kallað LÖVBACKEN og er næstum alveg eins og upprunalega borðið frá sjötta áratugnum.

Hugmynd fæðist

Ef við lítum aftur til ársins 1955, sjáum við Gillis, markaðsstjóra nýstofnaða fyrirtækisins IKEA, ganga út úr vinnustofu húsgagnasmiðs í Svíþjóð. Hann er með eintak af LÖVET í höndunum, fágað laufblaðslaga stofuborð, á leiðinni með það í höfðustöðvar IKEA. Við ímyndum okkur hann ganga að bílnum, opna skottið og snúa borðinu við svo það komist í bílinn. Nema það kemst ekki inn. Kannski færir hann það nær framsætinu með fæturna fyrst inn og reynir að láta þetta ganga. Snúa því aðeins og lagfæra það. Gengur ekki. Það er kannski þegar hann skoðar borðfæturna að smá hugmynd vaknar. Af hverju ekki saga fæturna af og festa þá aftur síðar? Og þar með breyttist sagan. Þannig varð hugmyndafræði IKEA til – með því að fylgja eftir hugmyndinni að það væri auðveldara og hagkvæmara fyrir fólk að flytja húsgögnin heim í flötum pakkningum og setja þau sjálf saman.

Endurkoma vöru

Árið 2013 situr vöruhönnuðurinn Glen Bengtson með Ingvar Kamprad, stofnanda IKEA, í litla bænum Älmhult í Svíþjóð. Ingvar er með sérstaka ósk varðandi nýja vöruúrvalið sem á að fara á markað. „Hann vill að við kíkjum í gamla vörulista og finnum góða vöru sem við getum sett aftur í framleiðslu,“ segir Glen. „Í gegnum árin höfum við séð marga sem voru hrifnir af þessum sígildu hönnunarvörum og okkur fannst rétti tíminn til þess loks kominn.“ Glen segir að það hafi verið ákveðið í samvinnu við Kamprad-fjölskylduna að endurgera línu af sígildum húsgögnum frá sjötta og sjöunda áratugnum, meðal annars eina þekktustu vöruna – LÖVET stofuborðið. Eini gallinn var að enginn átti teikningarnar af því lengur. „Við þurftum í alvöru að fara á IKEA safnið og fá lánað eitt sýningareintak svo við gætum dregið upp lögunina, vigtað borðið og tekið ljósmyndir af fótum til að undirbúa framleiðsluna,“ segir Glen.

Einn mikilvægur munur

Markmiðið með framleiðslunni var að hanna eins nákvæma eftirlíkingu af fyrirmyndinni og mögulega hægt er, með einni lítilli breytingu. „Við gátum ekki lengur notað jacaranda-við í borðplötuna,“ segir Glen. „Þetta er tré í útrýmingarhættu, svo við ákváðum að nota sjálfbærari við, skorinn þannig að hann liti eins út. Ef þú setur bæði borðin hlið við hlið, er næstum ómögulegt að sjá muninn.“ Nýja útgáfan var endurnefnd LÖVBACKEN og tilheyrir nú IKEA fjölskyldunni. Borðið er að sjálfsögðu í flatri pakkningu og borðfæturnir eru skrúfaðir á heima. Alveg eins og á upprunalega borðinu fyrir mörgum árum.