Heimilistæki fyrir flesta

Hvernig getum við aðstoðað þig við eldamennskuna án þess að vera með þér í eldhúsinu? Ein leið er að búa til hágæða heimilistæki á verði sem skilur eftir sig afgangsaur fyrir betra hráefni í matinn. Til að gera það að veruleika vorum við í samstarfi við vandlega valda söluaðila, sérfræðinga sem við teljum að séu bestir í sínu fagi við að færa fólki það sem það þarfnast dagsdaglega. Þannig getum við boðið upp á fullbúið og gott eldhús með heimilistækjum og öllu sem þú þarft á einum stað.

Að gera góða hluti verður talsvert auðveldara í samstarfi. Með gagnkvæmu trausti og skilningi verður það einnig skemmtilegt og áhugavert.

Uppljómun í ferlinu

Bruno Lizotte vinnur við vöruþróun hjá IKEA of Sweden í Älmhult. Hann segir að þróunin á heimilistækjum hafi orðið til í samstarfi með birgjum. „Við búum yfir mikilli reynslu af heimilislífi og deilum okkar þekkingu með birgjunum til að þau líti á vörurnar frá okkar sjónarhorni. Þá vinnum við saman að lausnum sem bæta lífið í og í kringum eldhúsið,“ segir hann. Birgjarnir deila einnig sinni reynslu og kunnáttu, til dæmis staðreyndir um efnivið, tæknilegar lausnir og nýjar aðferðir sem þeir eru að þróa. „Þegar við gefum af okkur lærum við nýja hluti hvort af öðru og þróum aðferðir. Oft leiðir það til uppljómunar fyrir alla,“ segir Bruno.

Þekking út frá heimsóknum

Við hjá IKEA höfum meðal annars öðlast þekkingu með heimsóknum inn á heimili fólks. Þannig sjáum við hvernig mismunandi menningarheimar búa og lifa með kostum og göllum heimilisins. Til dæmis spyrjum við: Hvað gerir þú í eldhúsinu annað en að elda? Hvernig nýtir þú rýmið? Færðu vini í heimsókn? Hvað vilt þú bæta? Hverjar eru þínar vonir og óskir? „Við deilum þessari innsýn í heimilislíf fólks með fólkinu sem við vinnum með þannig að við getum búið til betri vörur saman og auðveldað heimilislíf fólks,“ segir Bruno.

Auðveldara líf í hjarta heimilisins

Góð heimilistæki ættu að passa í eldhúsið og passa fyrir fólkið sem notar þau. Öll erum við með mismunandi þarfir, smekk og fjárhag. Sumir elda af ástríðu en aðrir elda af nauðsyn. Þess vegna fer mikill tími af vöruþróuninni í að búa til úrval af endingargóðum vörum – í mismunandi stíl, með mismunandi notagildi og á mismunandi verði. Ávallt eru þó gæðin lykilatriðið. Það þýðir að við þurfum mikið að fínstilla, prófa hugmyndir og velja það sem nýtist fólki helst. „Samheldni og ástríða eru mikilvæg hugtök við vöruþróun. Í stuttu máli þá þýðir það að vinna með fólki sem trúir á sama málstað og við en einnig að virða vinnu annarra. Þegar okkur tekst það getum við breytt miklu og fært fólki betra heimilislíf. Það er eitthvað sem er verðugt að stefna að,“ segir Bruno.