Saga
Börn eru ekki bara litlir fullorðnir einstaklingar og því hafa þau aðrar þarfir og eru einnig sífellt að breytast. Með SMÅSTAD vildum við hanna hirslur út frá sjónarhorni barnsins svo það yrði skemmtilegra að klæða sig og halda öllu snyrtilegu. Við nýttum traustu PLATSA skápana okkar sem grunn og gerðum allar SMÅSTAD einingarnar sveigjanlegar og þægilegar að breyta. Þannig getur hirslan enst í fleiri ár – betra fyrir budduna.
Þegar við unnum að SMÅSTAD vildum við skilja þær daglegu þarfir og áskoranir sem fjölskyldur þurfa að takast á við varðandi hirslur fyrir börn. Því heimsóttum við foreldra og börn víða um heim sem sögðu okkur frá morgunrútínunni og sýndu okkur fataskápana sína.
Sérfræðingar, stórir og smáir, lögðu hönd á plóg
Við kynntum okkur rannsóknir á þroska barna og skoðuðum hvernig hirslur eru notaðar í skólum og leikskólum. Alls staðar var þekking og reynsla sem hjálpaði okkur við vinnuna. Ein innsýn sem við fengum var sú að hversdagsleg rútína og fataval getur auðveldlega leitt til ágreinings á milli þeirra fullorðnu og barnanna. Svo hvernig getum við gert hirslu sem hjálpaði þeim að slípa rútínuna saman og koma betra flæði á heimilislífið? Það endaði á því að forma grunn að verkefninu og þegar við vorum búin að gera fyrstu frumtýpurnar buðum við sérfræðingunum til okkar aftur – til að hrósa þeim og gefa þeim þumalinn fyrir góðar hugmyndir.
Einfaldara með færri möguleikum
Það getur reynst þrautinni þyngri að finna rétta milliveginn fyrir barnið sem við ráða sér sjálft og þá fullorðnu sem telja sig vita hvað sé best. Þú hefur hugsanlega upplifað það að rökræða við þriggja ára um að sparifötin séu ekki rétti kosturinn á hversdagslegum mánudegi. Það er mikilvægt þroska barnsins að fá yfirsýn yfir fötin og geta valið þau sjálft, en það auðveldar málið ef valkostirnir eru takmarkaðir – og hentugir. Því er hægt að skipta SMÅSTAD fataskápnum í tvennt – þú færð stjórn yfir efri hlutanum og sá lægri inniheldur kostina sem ákveðið þriggja ára barnið fær að velja úr. Við vitum að þetta er smá svindl en af góðri ástæðu. Barnið sér hæfilega mikið af valkostum til að geta tekið sínar eigin ákvarðanir.
Frá fæðingu til 2 ára – rólegt upphaf með öryggisatriðin í lagi
Á meðan beðið er eftir nýjum fjölskyldumeðlimi er hægt að setja upp notalegan, öruggan og hagnýtan stað til að skipta á barninu og sinna almennri umhirðu. Það er yndisleg tilfinning að koma heim með hvítvoðunginn en einnig svolítið yfirþyrmandi. Þvottafjallið stækkar og þú reynir að finna tíma til að gera allt sem þarf að gera ásamt því að sinna barninu. SMÅSTAD skiptiborð með hirslu gerir þér kleift að nálgast allt sem þú þarft á snögum og í skúffum án þess að sleppa hendinni af barninu. Þegar barnið þroskast og byrjar að skynja umhverfið sitt betur getur þú sett upp litríkar myndir í kringum skiptiborðið og hengt upp óróa sem fangar athygli barnsins. Þegar bleyjutímabilinu er lokið er hægt að lækka skiptiborðið og breyta því í hentugt borð til að teikna og lita við.
3-7 ára – á fullri ferð
Á þessu tímabili þroskast barnið á undraverðum hraða. Leikur er þeim mikilvægastur en að taka ábyrgð á hlutunum sínum og að klæða sig sjálft eru rútínuverk sem hjálpa þeim að stækka og upplifa sjálfstæði. Þar sem hreyfi- og skynfærni er ekki fullþroskuð er mikilvægt að hirslur séu aðlagaðar að barninu og aðgengilegar. Mörg börn eiga til dæmis erfitt með að hengja upp og taka föt niður af herðatré – jafnvel þó þau séu í barnastærð. Ef fataskápurinn er djúpur er einnig erfitt að sjá og nálgast það sem er aftast. Því gerðum við það mögulegt að skipta hirsluplássinu í SMÅSTAD niður, svo að barnið geti nálgast mátulegt magn af fatnaði á snögum og í vírkörfum og skúffum. Til að einfalda morgunrútínuna er hægt að merkja innihaldið með myndum í merkimiðahöldurum svo að bæði þú og geyspandi fjögurra ára vitið hvar sokkarnir eru.
Frá 8 til 14 ára – sjálfsmyndin tekur yfir
Þetta er spennandi tími. Vinirnir verða mikilvægari, barnið þróar sjálfsmynd sína og vill flagga sínum stíl og áhugamálunum. Þá geta uppáhaldsleikföngin og veggspjöldin breyst frá degi til dags. Fjölbreytileikinn er hluti af þroskanum og til að koma til móts við hann höfum við hannað korkhurð fyrir SMÅSTAD. Þar geta þau skapað sinn eigin heim með myndum og öðru mikilvægu efni – án þess að veggurinn verði útgataður. Sú staðreynd að fötin endi í hrúgu á gólfinu ætti ekki að koma á óvart þar sem þau eru með hugann á allt öðrum hlutum en herðatrjám. Þess í stað er hægt að setja upp snaga bæði innan í og utan á SMÅSTAD svo það sé auðveldar að hengja upp fatnað, bakpoka og annað. Neðst í útdraganlegum fataskápnum er skúffa þar sem hægt er að hrúga öllu sem þarf að fela í skyndi. Við teljum að bæði börn og foreldrar þeirra líki við þessar einföldu lausnir. Nokkuð sniðugt, er það ekki?
Auðfundið í útdraganlegri hirslu
Í heimsóknum okkar um heiminn komumst við að því að venjulegur fataskápur með hurðum er oft of djúpur og of hár frá sjónarhorni barnsins. SMÅSTAD þurfti einfaldlega að vera öðruvísi hirsla. Við fengum hugmyndina að útdraganlegu hirslunni frá eldhúsinnvolsinu okkar. Þegar sérfræðingarnir okkar, bæði stórir og smáir, komu og prófuðu hana var viðbragðið nánast undantekningarlaust „Vá!“ Öllum fannst frábært að fá svona góða yfirsýn og að hægt væri að nálgast hlutina frá tveimur hliðum. Háar hliðarnar á botninum eru til að styrkja hirsluna en á sama tíma skapa þær hagnýta hirslu fyrir allt frá bleyjum til leikfanga og íþróttabúnaðar fyrir unglinginn. Nokkuð sniðugt, er það ekki?
Aukahlutir sem leysa nýjar þarfir
Að búa með börnum þýðir sífelldar breytingar. Flestir foreldrar virðast vera sammála um það. Skyndilega er úlpan orðin of lítil eða leikfangið of barnalegt – eða það er kominn tími til að deila fataskápnum með yngra systkini. Til að gera SMÅSTAD eins sveigjanlegt og mögulegt væri gerðum við einnig ýmsa aukahluti eins og snaga, höldur, merkimiðahaldara og spegil – sem auðvelt er að bæta við eða fjarlægja eftir því sem þarfirnar breytast.
Allt á sínum snaga
Hefur þú hugað að því hvernig skólagangur lítur út? Þeir eru undirlagðir snögum og það skal engan undra. Herðatré geta verið börnum á öllum aldri erfið og að ná í samanbrotna flík úr snyrtilegum stafla úr fataskápnum er nánast ómögulegt (og jafn erfitt er að ganga frá henni aftur). Bæði HJÄLPA og LÄTTHET snagarnir passa á SMÅSTAD og við höfum bætt við tveimur nýjum og snjöllum tegundum. Annar fer á fataslána og hinn festist á hurð eða skúffuframhlið og getur því einnig virkað sem klemma fyrir teikningu eða ljósmynd á hinni hliðinni. Snagarnir henta vel fyrir fatnað, bakpoka, hálsmen, hatta – í raun hvað sem upptekið barnið vill geta náð í á fljótlegan og auðveldan hátt.
Táknmyndir í fataskápinn
Börn læra af endurtekningum og venjum en þurfa einstöku sinnum smá aukahjálp. Í leikskólum eru tákn og merki oft notuð til að hjálpa til með mótun og leiðbeiningar. Jafnvel heima geta táknmyndir hjálpað til við daglegar venjur og eru góð samskiptaleið án nöldurs. Með HÄNGIG merkimiðahöldurum getur þú merkt skúffur með myndum af sokkum, nærfötum og peysum til að auðvelda barninu að finna rétta fatnaðinn í svefnrofunum. Notaðu myndirnar sem fylgja eða leyfðu barninu að búa til sínar eigin. Með merkimiðahaldaranum getur barnið einnig skreytt fataskápinn sinn eins og það vill – án þess að þú þurfir seinna að reyta hár þitt við að ná gömlum límmiðum af.
Einkaherbergi á tveimur fermetrum
Þegar barnið kemst á skólaaldur verður sífellt mikilvægara fyrir það að eiga sitt eigið rými þar sem það getur föndrað, leikið sér og lesið – hvort sem það er eitt eða með vini. En það er ekki alltaf svo einfalt að skapa þetta næði ef barnið deilir herbergi með systkini. Með háa SMÅSTAD rúminu vildum við skapa rými innan rýmis með fjölda mismunandi eiginleika og miklum sveigjanleika á litlu rými. Undir rúminu er skrifborð og fataskápur sem einnig virkar sem veggur sem lokar rýmið af frá afganginum af herberginu og ef bætt er við skúffum er nægt pláss fyrir föt, leikföng og skóladót. Bættu við snögum, korkhurðum og vandlega völdum höldum fyrir notalegan einkastað.
Settu stílinn með höldum og hnúðum
Hvað um rúnnaða viðarhnúða eða höldur úr málmi í líflegum litum og myndrænum stíl? Höldur eru eins konar karaktereinkenni hirslunnar og þú getur auðveldlega breytt um stíl án þess að kosta miklu til með því einu að skipta þeim út. Við hönnuðum BEGRIPA, PLOCKAR og LAPPMES fyrir SMÅSTAD – höldur og hnúðar með mjúkri lögun sem hentar vel fyrir smáar hendur. JÄRNSPARV höldur eru í laginu eins og örvar sem hægt er að festa upp á mismunandi hátt, þær henta fyrir þau sem eldri eru og gera þeim kleift að tjá sig á skemmtilegan og persónulegan hátt.
Öryggi í fyrsta sæti
Það er sárt að reka sig í skarpar brúnir, sama á hvaða aldri þú ert. Því eru allar hurðir og skúffuframhliðar í SMÅSTAD línunni með rúnnuðum hornum. Til að öll hirslulínan væri eins örugg og mögulegt væri kölluðum við til öryggissérfræðingana okkar alveg í byrjun. Þeir eru þjálfaðir í því að sjá mögulegar hættur fyrir mismunandi aldur.
Til dæmis eru lamirnar með innbyggðum dempurum sem grípa hurðirnar svo þær lokist mjúklega og dragi úr hættu á að litlir fingur klemmist. En þú ert lykilatriðið í að tryggja öryggi á heimilinu. Því skalt þú alltaf festa hirsluhúsgögnin við vegg til að koma í veg fyrir að þau velti fram fyrir sig.
