Einföld lýsing fyrir heimilið á viðráðanlegu verði

Rebecca Töreman stendur frammi fyrir hópi blaðamanna. Þau eru að heimsækja höfuðstöðvar hönnunar IKEA með von um að fá upplýsingar um nýstárlegar vörur. Það er gaman að sjá og snerta það sem Rebecca og teymið hennar hafa eytt síðustu tveimur árum í að skapa: IKEA snjalllýsingarvörum.

Rebecca er tilbúin. Hún þekkir rökin og fyrirhöfnina á bak við alla þætti vöruúrvalsins og getur útskýrt hvernig það mun breyta lífinu heima fyrir til hins betra. En áhorfendur hennar eru himinlifandi yfir einhverju sem hún gleymdi að gæti verið spennandi. „ Fólk var undrandi á fjarstýringunni,“ segir Rebecca. „Að þú gætir stýrt ljósunum hvaðan sem þú ert.“ Hún hlær og er ánægð að vera minnt á að það getur verið ánægjulegt að stjórna birtustiginu eða ljóslitnum með fjarstýringu. „Þegar þú vinnur svo mikið með vörunum venst þú þeim og því sem þær geta gert,“ segir Rebecca. „Þegar ég heyri fólk ó-a og ah-a yfir hönnun og virkni fjarstýringarinnar – sem ég sé á hverjum degi – fyllir það mig stolti af því sem við höfum áorkað.“

Að bæta lífið heima fyrir

Snjalllýsing er ein leið okkar til að nota tæknina til að bæta lífið heima fyrir. Ímyndaðu þér notalegan kvöldverð fyrir fjölskylduna á virkum dögum þar sem lýsingin er mild og hlý. Þegar máltíðinni er lokið er hreinsað af borðinu fyrir heimavinnu sem kallar á hreint og bjart ljós. Markmið Rebeccu og teymis sem sér um snjalllýsingu er að gera breytinguna einfalda og snurðulausa. Það getur bókstaflega verið með einum takka. „Lýsing er svo mikilvægur hluti af lífinu heima fyrir,“ segir Rebecca. „Þú gerir svo margt á hverjum degi heima og lýsingin þarf að hjálpa þér að gera það allt.“ Vöruúrvalið samanstendur af vörum sem hægt er að tengja saman til að búa til sérsniðna lausn fyrir lýsingu heimilisins. Þar má finna LED ljósaperur, ljósaþil og skápahurðir sem hægt er að stjórna með fjarstýringu. Þú getur stýrt birtumagninu og jafnvel breytt ljóslitnum úr hlýjum í kaldan. Ein fjarstýring getur stýrt allt að 10 snjalllýsingarvörum. Ein fjarstýring getur stýrt allt að 10 snjalllýsingarvörum.

Tæknivæddu heimilið á viðráðanlegu verði

Snjallljósatækni er ekki ný en hingað til hefur hún ekki verið jafn aðgengileg. „Hún hefur verið mjög dýr og flókin,“ segir Rebecca. „Ef við getum þróað snjalllýsingu sem er auðskiljanleg og á viðráðanlegu verði verður hún í raun aðgengileg fjöldanum.“ Þegar kemur að kostnaði settu Rebecca og teymið hennar sér persónulegt markmið. „Hvað myndum við vilja borga fyrir svona ljósaperu?“ spyr Rebecca. „Við höfum verið að skoða þessa hugmynd í gegnum allt ferlið.“ Að vinna með mikið magn hefur hjálpað til við að lækka kostnað. Og með því að vinna með reyndum tækniframleiðendum höfum við fundið sniðugar leiðir til að spara. Þessi sparnaður er síðan framseldur til viðskiptavinarins. „Ef við getum þróað snjalllýsingu sem er auðskiljanleg og á viðráðanlegu verði verður hún í raun aðgengileg fjöldanum.“ Þegar kemur að kostnaði settu Rebecca og teymið hennar sér persónulegt markmið. „Hvað myndum við vilja borga fyrir svona ljósaperu?“ spyr Rebecca. „Við höfum verið að skoða þessa hugmynd í gegnum allt ferlið.“ Að vinna með mikið magn hefur hjálpað til við að lækka kostnað. Og með því að vinna með reyndum tækniframleiðendum höfum við fundið sniðugar leiðir til að spara. Þessi sparnaður skilar sér svo til viðskiptavinarins.

Notendavænt og þægilegt

Með því að bjóða upp á „sett“ með öllu sem þú þarft til að byrja, auðveldum við þér að koma snjalllýsingu inn á heimilið. Það er svo auðvelt að bæta við fleiri vörum ef þú vilt. „Þú getur byrjað á því sem hentar þér og fjölskyldu þinni og þú getur byggt á því,“ segir Rebecca. Þú getur hlakkað til enn fleiri snjalllýsingarvara frá IKEA í framtíðinni. „Það verða gerðar endurbætur og nýir hlutir sem viðskiptavinir geta gert til að bæta og byggja á kerfinu,“ segir Rebecca sem sér fram á vandræðalausa framtíð þar sem mjög lítið getur truflað letilegt síðdegi. „Ef þú situr í sófanum og vilt kveikja á ljósinu, en slökkvarinn er á veggnum, þá þarftu greinilega ekki að standa upp með þráðlausu fjarstýringunni!“