Gler er að mestu úr sandi, natróni og kalki sem er brætt á háum hita. Hægt er að herða glerið eða bæta við það mismunandi aukaefnum til að gera það einstaklega sterkt og höggþolið og í sumum tilfellum má jafnvel taka það úr frysti og setja beint í heitan ofn án þess að það springi. Stór kostur við glerið er að það er hægt að endurvinna það aftur og aftur án þess að það tapi gæðum. Það þarf líka minni orku til að bræða endurunnið gler en til að framleiða nýtt gler. Markmið okkar er að nota eingöngu endurunnið gler í vöruvali okkar í framtíðinni.

„Þegar ég hannaði FABRIKÖR skápinn með glerhurðunum, þá fékk ég hugmyndina út frá iðnaðarhúsgögnum frá því um 1900, sérstaklega hinum svokölluðum lyfjaskápum þar sem lyf og læknavörur voru geymdar. Þetta er skápur sem er sterklegur, stöðugur og gæðalegur – og mjúk rúnnuð hornin gera hann líka fallegan. Þar sem skápurinn er með gler í öllum hliðum, þá er hann fullkominn til að stilla upp og sýna alla uppáhaldshlutina þína. Hann virkar vel sem glerskápur í stofunni sem og til að geyma fallegar töskur eða skartgripi í svefnherberginu.“