Meiri lýsing með minni orku

Ertu yfirleitt með ljósaperur á lager heima hjá þér? Ef einhver skyldi springa skyndilega. Þú þarft þess ekki lengur. SOLHETTA LED ljósaperur endast lengur, eyða minni orku og eru á lægra verði en áður. Þetta eru klárlega bestu ljósaperurnar okkar – hingað til.

En hvernig fara betri gæði og lægra verð saman? „Við höfum fyrst og fremst einfaldað vöruúrvalið þar sem við höfum lært hvað viðskiptavinir okkar vilja. Færri tegundir þýða hagkvæmari framleiðsla,“ segir Gizem Harut, vöruhönnuður í lýsingu. „Og með góðum birgjum getum við stuðlað að því að þróa reksturinn þannig að íhlutir ljósaperanna batni alltaf.“

Gleymdu lýsingunni næstu 20 árin

Frá því að við kynntum LED perur fyrst höfum við haldið áfram að prófa þær og þróa en SOLHETTA er risastórt stökk fram á við. „Þar sem þær eru um það bil 25% orkunýtnari en fyrri útgáfur lækka rafmagnsreikningarnir þínir.“ Önnur framför er að hver ljósapera endist lengur, allt að 25.000 klst. „Segjum sem svo að þú kveikir á ljósinu í nokkrar klukkustundir á dag; þá þarftu ekki að skipta um ljósaperu fyrr en eftir 20 ár. Það þýðir einnig að það þarf að framleiða og farga mun færri ljósgjöfum.“

Náttúrulegri litir

Allt manngert ljós er í raun eftirlíking af besta ljósgjafa alheimsins – sólinni. Innandyra viljum við einnig eins góð ljósgæði og mögulegt er og CRI (Colour Rendering Index) er leið til að mæla hversu vel ljósgjafi endurgerir liti. Þetta er mælt frá 0 til 100 CRI, þar sem 100 er fullkomin dagsbirta. „Í vöruþróun SOLHETTA höfum við náð að bæta litendurgerð LED ljósaperunnar upp í 90 CRI í öllum gerðum nema einni sem er 80 CRI. Það gefur náttúrulegri og notalegri tilfinningu – og sýnir rétta liti heimilisins.“