Bambus er sterkari og sveigjanlegri en flestar viðartegundir, þar sem trefjarnar eru lengri. Hann getur vaxið um allt að einn metra á dag og framleiðir tvisvar sinnum meira súrefni en aðrar viðartegundir. Bambusinn sem IKEA notar er tilbúinn til uppskeru eftir fjögur til sex ár. Bambus er gras en ekki tré, og því þarf ekki að gróðursetja nýjan í staðinn. Hann vex ekki eingöngu eins og gras heldur sáir hann sér líka eins og gras.

Það eru til margar gerðir af skurðarbrettum og þau eru öll góð fyrir mismunandi hluti. Eldhúsverkin eru mun hreinlegri ef þú notar sér skurðarbretti fyrir mismunandi hráefni. Mundu að skurðarbretti eiga að vera mjúk til að eyðileggja ekki bitið á hnífnum – efni eins og viður eða plast eru ákjósanlegust. Viðarskurðarbretti eru varanlegri en plastskurðarbretti en það er auðveldara að lyfta og þrífa plastið. Þú ættir að hafa not fyrir báðar gerðirnar.

Skurðarbretti úr við er stöðugt og fer vel með hnífana. Með almennilegu viðhaldi getur það nýst þér lengi. Berðu olíu á brettið áður en þú byrjar að notar það og svo reglulega eftir það. Þvoðu það alltaf í höndunum og láttu það liggja á hlið á meðan það þornar. Þegar brettið fer að líta illa út skaltu pússa það og bera á það olíu – þá verður það aftur eins og nýtt.