Þegar ég hannaði haustvefnaðarvörurnar valdi ég stórgerð djörf mynstur. Ég byrjaði á að handteikna mynstrið svo það yrði líflegt og náttúrulegt. Það sem mér finnst skemmtilegt við handteiknaðar myndir er að að þær verða oft ósamhverfar. Handahófskennd form, lifandi laufblöð og ýmis form úr náttúrunni veittu mér innblástur. Skandinavísk hönnun er bæði einföld og hlý, náttúruleg og oft djörf. Ég vona að þér þyki þessi vörulína jafn glaðleg og hlýleg og mér.

Í flosuðum mottum er mynstrið fest á striga með flosnál. Með nálinni er ullarþræði ýtt í gegnum striga svo hann myndi lykkju á yfirborðinu. Þannig er flosið myndað og ýmist haft úfið eða snyrt til svo yfirborðið verði slétt og jafnt. Lykkjurnar haldast vel á sínum stað þar sem þær eru límdar með límbyssu á latexdúk sem fest er á bakhlið mottunnar. Með þessari aðferð er auðvelt að framleiða mottur í ýmsum litum og mynstrum á tiltölulega stuttum tíma.

Ull er hentugt efni sem kemur venjulega af kindum. Óunnin ull er þvegin og síðan spunnin í garn. Ullarmottur eiga marga kosti. Þær eru mjúkar, hlýjar, það er þægilegt að ganga á þeim og þær endast líka vel. Þær eru líka blettavarðar, þar sem ullin inniheldur náttúrulega olíu sem hrindir frá óhreinindum. Sem þýðir að óhreinindin halda sig á yfirborðinu en fara ekki inn í mottuna. Allar ullamottur fara úr hárum - sumar meira en aðrar - ryksugaðu þær reglulega til að hindra að laus hár berist út um allt.