Tónlist og lýsing bætir andrúmsloftið

SYMFONISK línan er í samstarfi við Sonos og nýjasta viðbótin eru WiFi hátalarar sem fegra heimilið. Gólflampinn er með bambusskermi sem varpar notalegri birtu. Hvaða tónlist passar við lampann?

Í SYMFONISK línunni sameinast þekking okkar á hönnun og heimilum og sérfræðiþekking Sonos á hljóðupplifun. „Þetta er mjög sniðugt ef þú vilt spila tónlist og útvarp þráðlaust án þess að hátalararnir taki pláss,“ segir Stjepan Begic í SYMFONISK teyminu. „Við ögrum hvort öðru og finnum nýjar lausnir eins og þennan gólflampa með bambusskermi.“

Skemmtilegur skuggaleikur

SYMFONISK gólflampinn stendur á stöðugum fæti. Fyrir ofan hátalarann er fléttaður lampaskermur. „Við prófuðum ýmsan efnivið áður en við ákváðum að ntoa bambus. Hann er léttur og hefur hlýlegt útlit. Fléttaðar ræmurnar mynda hlýlega birtu og skapa fallega skugga á vegginn þegar kveikt er á kvöldin,“ segir Stjepan sem mælir með glærri ljósaperu til að birtan komi sem best út.

Falin tækni

Sérfræðingar hjá Sonos voru með í ferlinu frá upphafi til að tryggja að tækni og hljóð væru sem best. Hugmyndin með SYMFONISK er að fela hátalarana til að spara pláss og gera snúrur og tæki minna áberandi á heimilinu. „Vörurnar passa í öll rými, allt frá litlum stúdíóíbúðum í stór einbýlishús. Ef fjölskyldan stækkar eða þú flytur í stærra hús getur þú stækkað hátalarakerfið með fleiri innbyggðum hátölurum og fyllt rými heimilisins með tónlist, útvarpi, hljóðbókum – og notalegri lýsingu.“