Stattu upp og dansaðu!

Það er erfitt að sitja kyrr þegar gott lag fer í gang. Sérstaklega þegar hátalarinn blikkar litríku ljósi í takt við tónlistina eins og diskóljós. VAPPEBY hátalari gerir tónlist aðgengilegri fyrir börnin. Það er hægt að nota hann alls staðar á heimilinu – meira að segja inni á baði þegar verið er að bursta tennur.

„Hátalarinn þolir að fá vatn á sig og er sterkur, hann þolir að detta í gólfið af og til án þess að brotna,“ segir Stjepan Begic. Hann var í hönnunarteymi VAPPEBY og veit hversu mikilvæg tónlist er fyrir börn og foreldra þeirra. „Í könnun sögðust 82% foreldra dansa við börnin sín. Tónlist er nátengd gleði, hreyfingu og samveru, og hefur mikið að segja um stemninguna á heimilinu.“

Tónlist án skjás

VAPPEBY hátalarinn parast við síma eða spjaldtölvu með Bluetooth. „Þetta þýðir að barnið þarf ekki að nota skjá til að hlusta. Við vitum að margir foreldrar vilja lágmarka skjátíma og þessi hátalari setur allan fókusinn á tónlistina.“ Hljóðið tengist ljósi sem blikkar í ólíkum litum í takt við tónlistina. Eins og diskóljós!

Góður vinur frá morgni til kvölds

VAPPEBY er eins og krúttlegt dýr úr ævintýraheimi, nýr vinur með slaufu sem barnið notar til að slökkva og kveikja á tónlist. Barnið hækkar og lækkar með nefi hátalarans og síðan er hægt að skipta um lag með því að ýta aftur á slaufutakkann. „Börn vilja gjarnan hlusta á sama lagið oft og það er auðvelt að gera það með því að ýta á einn takka,“ útskýrir Stjepan. Þegar kvöldar getur þú sett VAPPEBY á hleðslustöðina og breytt lýsingunni í milt næturljós – þar til það rennur upp nýr dagur fullur af tónlist og dansi.