Prýddu heimilið með hreinna lofti

Í stórum borgum getur mengun stundum sést með berum augum. En vissir þú að loftið heima hjá okkur er líka mengað af ryki, frjókornum, matargufum og gasefnum sem geta verið heilsuspillandi? Það er gott að lofta út og þrífa reglulega, en það er ekki endilega nóg. Lofthreinsitæki síar burt agnir og mengunarefni á borð við formaldehýð á meðan þú hugsar um aðra hluti.

David Wahl er vöruhönnuður hjá IKEA. Hann flutti fyrir einhverjum árum og varð meðvitaðri um hvað loftið innandyra skiptir miklu máli fyrir heilsu okkar. „Á öllum heimilum eru agnir og gasefni í einhverju formi. Nú til dags verjum við miklum tíma innandyra og þessar agnir geta meðal annars orðið til þess að við fáum ofnæmisviðbrögð og sofum illa.“

Lofthreinsitæki sem fellur inn í umhverfið

David átti erfitt með að finna falleg lofthreinsitæki á viðráðanlegu verði og bjó til sitt eigið. „Það kom vel út en var ekki alveg það skilvirkasta.“ Frumraun hans var þó góð reynsla þegar hann svo gekk til liðs við hönnunarteymi FÖRNUFTIG lofthreinsitækisins. Vinnan snerist mikið um að gera tækið einfalt án þess að fóra gæðum og orkunýtingu. „Hönnunarvinna í IKEA er alltaf líka frá sjónarhorni innanhúshönnunar og við viljum að FÖRNUFTIG passi inn á öll heimili. Þess vegna er hægt að hengja það upp, hafa það á gólfinu og flytja það milli herbergja með handfanginu.“

Hreint loft fyrir sem flesta

FÖRNUFTIG er ólíkt lofthreinsitækinu sem David gerði heima hjá sér. Þegar einstaklingar með fjölbreytt sérsvið koma saman í teymi er auðveldara að hanna gott lofthreinsitæki í miklum gæðum sem getur veitt fleira fólki hreint loft. „Loftmengun er alvarlegt vandamál og við viljum koma með lausn sem hjálpar fólki að anda að sér hreinna lofti heima hjá sér.“