„ADLAD ilmkertin eru með notalegum viðarilmi sem er ekki of sterkur heldur vinalegur og þægilegur – eins og skandinavískur skógur. Hann er heimilislegur, kunnuglegur og einkennandi – nútímaleg túlkun á IKEA og uppruna fyrirtækisins.“

Öll kertin í vöruúrvali okkar henta vel til að skapa notalega stemningu og við notum í þau mismunandi efni til að fá sem besta lögun, virkni og gæði. Repjuolía hentar vel í sprittkerti og önnur kerti sem eru í íláti en hún er unnin úr repjufræjum – fjölhæfri plöntu sem litar landslagið gult þegar hún blómstrar. Við höfum ákveðið að efnin sem við notum í kertin okkar verði að vera endurnýjanleg eða endurunnin fyrir árið 2030 og er notkun repjuolíu í náttúrulegu samræmi við það.