Leðjubað lengir líf húsgagnsins

Húsgagnaframleiðendur um allan heim hafa árum saman verið í vandræðum með að gera reyrhúsgögn veðurheld svo hægt sé að hafa þau utandyra. Eitt vöruþróunarteymi hjá okkur fann lausn á þessu vandamáli með því að nota gamla indónesíska aðferð við að verja TVARÖ, útihúsgögn úr reyr.

Linn Grahl vöruhönnuður getur loksins slakað á. „Við gerðum yfir 100 prófanir áður en við fundum rétta reyrinn og réttu aðferðina til að verja hann. Hönnun TVARÖ tók langan tíma en það var vel þess virði,“ segir hún.

Rótgróin aðferð

Mesta vinnan fólst í því að finna góða vörn gegn raka og hitabreytingum til þess að húsgagnið gæti staðið utandyra í breytilegu veðri. Hefðbundin indónesísk handverksaðferð veitti Linn og teyminu innblástur. „Reyrnum er dýft í lítið lón í á, þar sem er mikil leðja. Síðan er laufum bætt út í ásamt steinum sem halda öllu niðri í vatninu. Eftir um það bil sex vikur er reyrinn tekinn upp og vatninu sleppt aftur út í ána. Leðjan býr til verndandi lag sem gerir reyrinn veðurþolinn.“

Nýtum efniviðinn betur

Við höldum ysta lagi reyrsins á stærri stilkunum og þannig eru TVARÖ húsgögnin enn betur varin. „Það virkar sem náttúruleg vörn og upprunalegi liturinn heldur sér, sem er afar fallegur,“ segir Linn. Síðasta skrefið í þessari aðferð er að bera vatnsþynnt lakk á reyrinn. „Öll þessi skref láta TVARÖ húsgögnin endast lengur. Þau geta þá staðið oftar utandyra í alls konar veðri.“