Kennslustund í bambus

Þú þekkir tilfinninguna þegar þú lærir eitthvað nýtt. Spennuna og ákafann í að læra meira og meira. Þannig leið okkur þegar við hittum á „bambusprófessorinn.“ Við ætluðum ekki einu sinn að nota bambus í RÅGRUND baðherbergishúsgögnin, upphaflega hugmyndin var að hanna rúm. En hlutirnir breyttust. Og nú vitum við mikið meira en áður.

Eftir nokkra umhugsun og prófanir áttuðum við okkur á því að bambus hentar betur inn á baðherbergi en í svefnherbergið. Hvers vegna? Bambus er grastegund sem vex í hitabeltinu – í loftslagi sem er ekki ólíkt því sem er á heitu og röku baðherbergi. Til að framkvæma nýju hugmyndina ferðaðist vöruhönnuðurinn Damon Hird með teymið sitt frá Svíþjóð til Kína. Með því að heimsækja verksmiðjuna og vinna hönnunarvinnuna á verksmiðjugólfinu náðum við að spara auðlindir og hámarka efnisnotkun.

Að hitta „prófessorinn“

Damon segir að þau hafi hitt mann sem þau byrjuðu að kalla „bambusprófessorinn“. „Hann vissi hreinlega allt um þetta hráefni og gat sett upp stærðfræðijöfnur í huganum til að nýta hráefnið sem best og þar með draga úr því sem fer til spillis.“ „Það var alveg ótrúlegt,“ bætir hann við. „Hann gaf okkur svo margar hugmyndir um hvernig best væri að nota hráefnið og veitti okkur innsýn í hvað var hægt að gera og hvað ekki.“

Hannað fyrir daglegt líf heima

Teymið nýtti kennslustundirnar hjá „bambusprófessornum“ til að finna sameiginlegan hljómgrunn fyrir þörfinni á meira hirsluplássi, hámarksnýtingu rýmisins og að setjast niður. Eftir fimm daga héldu þau aftur til Svíþjóðar með grunn að því sem síðar varð RÅGRUND stóll með handklæðahengi. Þetta er ekki aðeins stóll, því undir honum er hilla og háa bakið virkar sem hengi fyrir handklæði eða fatnað. Hann passar að sjálfsögðu við RÅGRUND hillueiningarnar, spegilinn og salernisrúllustandinn. Sagan af RÅGRUND sannar að þú veist aldrei hvar og hvenær þú lærir eitthvað nýtt!